DRESCHER LYRICS

1. First Blood

Du sogst es war sche longsom fällig,
wortst eh scho zlang auf an wia mi
Du kennst mi eh aus deine Träume
Die schenste Nocht in deiner Phantasie

Du gliahst bis in die Zechn,
heast des mocht mi schorf
es lebt si leichter ungeniert
pass auf was jetzt passiert

Moch auf die Tür auf was wüst warten
es gibt nix zum redn nur zum Tuan
I bin dei First Cut, gib mir dei First Blood
schenk mir dein Herz, host nix verlurn

I war bereit i bin auf hundert
Die Lust die wochst, des Blut pulsiert
Der Garten blüht, die Kirschen reifen
Hab doch ka Angst es wird dir nix passieren

Du gliahst bis in die Zechn,
heast des mocht mi schorf
es lebt si leichter ungeniert
pass auf was jetzt passiert - es eskaliert

Moch auf die Tür auf was wüst warten
es gibt nix zum redn nur zum Tuan
I bin dei First Cut, gib mir dei First Blood
schenk mir dein Herz, host nix verlurn

I konns net glaubn die Tür war offen,
I hob zvü gred und zwenig tan
Owa i wor der Erste, der Allererste
Du host mein Herz, und i verloren
I wor da Erste, da Allererste, und hob verlurn

2. Der Gscheitling

Er red so vü und wos er sogt des stimmt
Er glaubt er wass, wie man sich benimmt
Erst wenn er siecht, sei ganze Welt zerbricht
merkt er das wos net stimmt
an seiner Lebensgschicht

I glaub du wüllst des net kapieren
Do muass scho irgendwos passieren

Wos er net kennt, des mog er net
Wos er net siecht, des glaubt er net
Wos er net hat, des braucht man net
Wos er ois konn, der Gscheitling,
der immer wass wie's geht

Er schaut si gern in Spiegel, es gfoit eam wos er siecht
stark geblendet von sich selbst
Der Spiegel zagt eam nur des wos er holt gern siecht
verzerrt sei wahres Gsicht,
der Spiegel der dann bricht

I hoff du host es jetzt kapiert
Do schaust jetzt bist ruiniert

Wos er net kennt, des mog er net
Wos er net siecht, des glaubt er net
Wos er net hat, des braucht man net
Wos er ois konn, der Gscheitling,
der immer wass wie's geht

3. Olles Wos Mir Fehlt

Blond, braun und rot, was mir halt gfoit,
alle ham sie für mi zeit
mochn wos i sog, redn net zruck
gengan wenns mi nimmer gfreit
Gibts des a in wirklichkeit?

na, i glaub net
I hobs jo nie probiert?

weil i find ois was zöht,
daham in meiner wöd
ois geht so leicht - ois geht sofort
I bleib für immer durt
i sperr mi weg
i fritzl mi ein
weil nur in dieser wöd
kriag i olles, olles wos mir föht

oid oder jung, wia's mir grod taugt
wenn i mog sans a zu zweit
verlangen ka Treue - wissen wos i brauch
"Wodka, Schatz, es tut mir leid"
Ist es so in wirklichkeit?

na, sicher net
warum sollt i's probieren?

weil i find ois was zöht,
daham in meiner wöd
ois geht so leicht - ois geht sofort
I bleib für immer durt
i sperr mi weg
i fritzl mi ein
weil nur in dieser wöd
kriag i olles, olles wos mir föht

4. Zeit Zum Gehen

Die Zeit heilt Wunden ziemlich schnö,
doch tiafe narben bleibn no long bestehn
der weg gemeinsam wor kurz

I denk oft an vergangene Toge
an unsre gemeinsame Ziet
bis bald in der Ewigkeit

Warum host du miassn gehn?
dabei wors doch grod so sche
Viele Frogn die quälen mi no bis heit
Wor des Schicksal oder wors afoch Zeit

Zeit zum Gehn
loss mi net zruck,
los mi net allanich stehn

Wenn i mi umschau Tag für Tag,
glaub i, i renn im Hamsterrad,
kan Atem mehr für nix
Der Alltag wird zur Qual
I denk ma jedesmal

Warum host du miassn gehn?
dabei wors doch grod so sche
Viele Frogn die quälen mi no bis heit
Wor des Schicksal oder wors afoch Zeit

Warum host du miassn gehn?
wann werdn wir uns wiedersehn?
Viele Frogn, die quälen mi no bis heit
Bist du tot, oder vom Leben befreit

Die alten Wunden bliatn no
verheilte Narben reissen wieder auf
Lang is her, nix wird guat

Die Hoffnunf hot mi längst verlassen
dass wir uns je wiedersehn
net heit net morgn und net im nächsten Leben

Zeit zum Gehn
loss mi net zruck,
los mi net allanich stehn

5. 5 Minuten Ruhm

Glaubst du echt, was du machst
is im Ansatz was wert
Leider na, des wor dei grosse chance
host des Lachen net gheart

Klammer di bitte net an jeden Holm
nur weil die Mama sogt ihr gfoits
Talent wird an gschenkt,
des kann man sich net kaufen
Nur deppert reden geht net

Na, bitte net, i wüs net hearn, i wüs net wissen
Na, bitte net, i wüs net hearn, i wüs net sehn
5 Minuten Ruhm

Sag nimmt des nie an Ende
Suchst Du den Weg bis ganz oben
Ois wast kriagst is nur Spott und Hohn
kane 5 Minuten Ruhm

Groupies, Autos und Millionen
in aner Riesenvilla wohnen
Casting-Kasperl im Rockstartraum
Die wirds no fest auf die goschn haun

Na, bitte net, i wüs net hearn, i wüs net wissen
Na, bitte net, i wüs net hearn, i wüs net sehn
5 Minuten Ruhm

6. Bled Grennt

Du host in die Stern gschaut und host tramt
sie worn zum greifen nah,
doch des host du versamt
wolltest die Welt entdecken
di niemals verstecken
es rennt halt anders als geplant

Augen zu, afoch durch
red net tua

Ständig steckst dein kopf in sand
warat so afoch gwesen
host es selbst in der hand
wolltst kan bledsinn mochn
host di nur verkrochen
jetzt stehst mitn Rucken zur Wand

Mach die Augen auf und schau weg
mach die Augen auf

Jahrelang nur Träumereien
was no net wor wird a nie so sein
Dei ganzes Leben, verlorene Zeit
Total verennt, konnst du dir selbst verzeihen

Bled grennt es hülft da kaner mehr
Bled grennt, net amoi irgendwer

7. Zeitung Von Morgen

Ka Tog bringt mehr wos neichs
Zum Frühstücka Semmerl und zmittog was gscheits
Do liegt jo die Zeitung von morgn.
Wollt net ewig Zweiter sein, endlich überholen
hot long gnua drauf gwort, mit da glodnen Pistolen
A klaner Sta bring die Lawine ins Rollen
Des er sicher net so wollen

Der Tog, i war bereit
doch was soll er bringen - verlorene Zeit
I denk an die Zeitung von morgn.
beengende Leere, aufgstauter Frust
stockender Atem, an Druck in da Brust
I kriag a Angst a seltsame Lust
sie sogt mir permanent: du musst

I blattls durch
mir wird longsom kloar
was in da Zeitung steht is wahr!
Massenmord im Kopf, ois foit zoam
I werd berühmt, des mocht ma Sorgn
I bin die Headline in da Zeitung von morgen

Der Tog wos hob i gmocht
kane Berge versetzt, kane Wunder vollbracht
so stehts in der Zeitung von morgen
A wenn i ewig zweiter woar, a poor hob i überholt
bin lang gnua davongrennt, nie gwusst was i sollt
es bleibt holt wirklich nix verborgen
es steht gross eh in der Zeitung von morgen

8. Danke Fia Nix

Du host Kräfte in mir gweckt,
host ma zagt wie i mi versteck
hast ma gsogt dass i nix mehr neichs entdeck'
Du host ma gsogt hob no Geduld
Du host ma ausgredt was i wollt
Host ma eingredt, dass i guschn sollt

Du host mi nie ausredn lassn
Du host ma glernt, ois zu hassn
Du host ma net den Blick gebn
amoi es Licht zu sehn

I Sog danke, I sog danke, dass du mi scho obgschriebn host
I Sog danke, I sog danke, I sog danke für nix
I Sog danke, sog danke, dass du's scho immer gwusst host
I Sog danke, sog danke, I sog danke für nix

Host ma nie die Wohrheit erklärt
Du host mir mei Welt zerstört
Host ma nie zagt wie's richt ghört
Du host über mi nur glocht
Host mi zum wanen brocht
Du host meine Träume zunichte gmocht

Du host mi immer zweifeln lassn
Du host ma glernt mi selbst zu hassn
Du host ma net die Kroft gebn
um mit der Wohrheit zu lebn

I Sog danke, I sog danke, dass du mi scho obgschriebn host
I Sog danke, I sog danke, I sog danke für nix
I Sog danke, sog danke, dass du's scho immer gwusst host
I Sog danke, sog danke, I sog danke für nix

An Olle, an Olle die mi scho obgschriebn hobn
An Olle, an Olle danke für nix
An Olle, an Olle die's scho immer gwusst hobn
An Olle, an Olle danke für nix

I Sog danke, I sog danke, dass du mi scho obgschriebn host
I Sog danke, I sog danke, I sog danke für nix
I Sog danke, sog danke, dass du's scho immer gwusst host
I Sog danke, sog danke, I sog danke für nix

9. Dresch Quetschn

Auf gehts - loss mas krochn
bitteschön ihr hobts drauf gwort
Wir ziehn vo Ort zu Ort
Zähnt fletschn, Bluatgrätschn
Mittendrin statt nur dabei
Quetsch 'n' Dresch macht frei

Irgendwonn kummt die Zeit
Irgendwonn seids alle bereit

Wir bleibn no
wir werdn eich no penetrieren
werdn eich ausquetschn,
mit da Dreschquetschn

Wir bleibn no
bis da letzte hot kapiert
brauchst ka Luftquetschn
wennst a Dreschquetschn host

Olles wos wir mochn
Quetsch 'n' Drescher Rock 'n' Roll
fürn Stadl wär des toll
die Zeit die uns no bleibt,
werds uns nimmer los
Quetsch 'n' Dresch ganz gross

Sche longsom is Zeit
Sche longsom wissen alle bescheid
wir kumman mit da Dreschquetschn

Sche longsom is Zeit
Sche longsom wissen alle bescheid
verlangen noch da Dreschquetschn

Wir bleibn no
wir werdn eich no penetrieren
werdn eich ausquetschn,
mit da Dreschquetschn

Wir bleibn no
bis da letzte hot kapiert
brauchst ka Luftquetschn
wennst a Dreschquetschn host

Bis weh tuat
werdn wir eich noch malträtieren
hüft ka Bluatgrätschn
gegen die Dreschquetschn

Bis einschlogt
werdn wir eich no torpedieren
werdn die Zähnt fletschn
zu da Dreschquetschn

10. Geheiligt Werde Dein Name

[originally by Iron Maiden]

I huck in meiner kalten Zelle,
wia die Glockn auf amoi leit
I denk zruck an mei ganzes leben,
und es bleibt mir nimmer vü zeit
Weil um fünfe kummt fia mi der Sensenmann
Die Sanduhr sogt, die Zeit fia mi rennt o

Wia da pfarrer für mi nochmal bet hat
Schau i zruck auf leben des i glebt hab
auf a welt die is net guat grennt fia mi

Kann des sein, is des net nur a fehler
holts eam auf den elendigen quäler
Is des wirklich des end von an oargn Traum

Sagts ma bitte, dass ois nur a traum is
Es is so schwer still zu sein wennst alla bist
Mir fehlen die Worte, wenn i probier zum reden

Tränen rinnen warum blärrn
Am End hob i dann ka angst vorm sterben
Hätt i net glaubt, es is wirklich nie vorbei

Wia de Wach dann mit mir übern Hof geht
Hear I an schrein dass Gott hinter mir steht
Wanns eam gibt, warum lasst er mi sterbn

Aufn weg sich I mei leben vorbeiziagn
So nah am End brauch i's a nimmer grodbiagn
Fangts mi auf, mei Geist will wegfliagn

Merkts eich I werd ewig weiterleben
Ka Angst I muass jetzt amoi gehn
Die Wahrheit werd I dann scho segn

Wann du wasst dass dei beste Zeit scho wor
dann wird dir longsom klor
des ganze Leben is voller Illusionen

Yeayeayea, Geheiligt wird dei Name
Yeayeayea, Geheiligt wird dei Name







DRESCHER LYRICS